ERREZETA: Baba eta ilar hummusa

Nork argitaratua: Basherriko Administratzailea 12 urte, 10 hilabete atzera

Etxean garbantzu hummusa izugarri atsegin dugu, eta erremolatxarekin egindakoa ere gustora jan izan dugu, gure otarrean sarritan dator eta. Horregatik, Gastronomía & Cía blogean Jamie Oliversukaldariaren errezeta hau topatu nuenean gustatuko zitzaigula jakin nuen. Tamalez, gure otarrean ez da ilarrik heldu, eta buelta dexente eman behar izan genituen ilar txiki eta samurrak topatzeko, hala izatea ezinbestekoa baita errezeta prestatu ahal izateko; baina seguru nago zuetako askok bikote eder hau jasotzen duzuela. Probatzera animatuko zarete?

Osagaiak: babak eta ilar eskubete pertsona bakoitzeko; menda edo mendafin hosto gutxi batzuk; oliba olioa; limoia; parmesano gazta; mozarela gazta; errefau edo rabanitoak; kalitate oneko ogia.

Nola egin:

Babak, ilarrak eta menda morteiruan xehatu. Oliba olioa, limoi zukua eta parmesano gazta birrindua erantsi. Probatu, zeozer behar duen ikusteko.

Ogia xerratan moztu eta txigortu. Hummusa igurtzi eta gainera mozarella gazta puska bat jarri. Hummus gehiago erantsi. Rabanito xerrak eta ilar batzuk gainetik jarri eta jateko prest! On egin!

PD. Jamie Oliver sukaldariak baba eta ilar nahastura hau arraia edota pasta laguntzeko erabiltzea proposatzen du.

Errezeta gehiago ikusteko: http://quehagoconmicestadeverduras.wordpress.com/

Iruzkinak

Oraingoz ez dauka iruzkinik

Iruzkin berria

Azken postak

Artxibategia

Cookie-en erabilera oharra

Basherri sareko webgunea

Webguneko gaiaren kolorea