PRODUKTUAK: Valentziako laranjak | Basherri Sareko webgunea Skip to content
  • Blog
    • PRODUKTUAK: Valentziako laranjak

    PRODUKTUAK: Valentziako laranjak

    Nork argitaratua: Basherriko Administratzailea 13 urte, 8 hilabete atzera

    (2 iruzkin)

    Pasa den astean laranjak ekarri zizkiguten Usurbiltzengo kideoi lehen aldiz. Ekoizlea Valentziako Carcaixent herriko mutil bat da, Ricard Salom izenekoa . Badira hamar urte produktu ekologikoen kontsumitzaile denetik, eta duela bost urte hasi zen lurra lantzen, beti zitrikultura ekologikoan. Hasiera batean kooperatiba batentzat egiten zuen lan, bai eta hainbat lur-jaberentzat ere, nahiko baldintza kaskarretan. Orain, erabili gabe zeuden bi lursail ditu errentan hartuta Carcaixenten. Guztira 0,6 Ha ditu. Bi lursailak ekologikoan lantzen ari da eta ez du hostoen, lurzoruaren, fruituen eta abarren analitikak egiteko arazorik. Halaber, bere lurrak bisitatzeko aukera ere eskaintzen du nahi duenarentzat.

    Lursailetako lan osoa Ricardek berak egiten du.  Gainera, basherri-taldeei zuzenean saltzearen alde dago, ekonomia kapitalistatik at dagoen aukera bat dela uste baitu, eta ekoizleari nahiz azken kontsumitzaileari mesedetzen diola baiteritzo. Laranjak kartoizko 20 kiloko kajetan ekartzen ditu, eta kajak egoera onean itzuliz gero, pare bat aldiz gehiago berrerabili ohi ditu, erabat puskatu arte. Banaketa eta garraioa ere berak egiten du. Furgoneta txiki bat du, baina karga oso handia bada, handiago bat alokatzen du. Laranja kiloa 1,25 eta 1,50 artean dago, eskatzen denaren arabera. Guk, esate baterako, 420 kilo eskatu genituen guztira, eta kiloa 1,35ean utzi zigun.

    Gauza da Usurbiltzenez gain Euskal Herriko beste talde batzuei banatu nahiko liekeela. Guk otsailaren bigarren astean egingo dugu eskaera, otsailaren 9an zehazki, eta banaketa otasileko 3. astean izatea adostu dugu. Interesgarria litzateke honaino etorri behar duenez beste talde batzuentzat ere laranjak ekartzea, baldin eta norbaitek nahi balu. Hala bidaia askoz ere gehiago aprobetxatuko luke. Beraz, basherri talderen batek laranjak hartzeko interesa izango balu deitu 627285904 telefonora eta Ricarden kontaktua pasako dizuegu. Baldin eta eskaera txikia egingo bazenute, gurekin batera eskatzeko aukera ere izango zenukete. Telefono berera deituta adostuko genuke dena. Taldeak posta elektronikoa ere badu, usurbiltzen@gmail.com, nahi duenak ere mezua bidal dezake helbide horretara. Beno, ongi segi eta hurrengora arte!

    Aupa basherritarrak!

    Oraindik ez du puntuaziorik jaso

    Iruzkinak

    Jox 13 urte, 8 hilabete atzera

    interesgarria, komentatuko deu tolosako taldean

    Esteka | Erantzun
    Oraindik ez du puntuaziorik jaso

    usurbiltzen 13 urte, 8 hilabete atzera

    Aupa Jox!
    Bai, aber zer erabakitzen dezuen. Laranjak behintzat ederrak daude. Nik kaja bat hartu det oso zapore ona dakate. Erabakitzen dezuenian eman toke bat edo bidali email bat eta ea nola antolatzen gean. Honaiño etorri behar duenez, Usurbildik Tolosara karga eramateak ez dio ajola izango. agur t'erdi ;)

    Esteka | Erantzun
    Oraindik ez du puntuaziorik jaso

    Iruzkin berria

    derrigorrezkoa

    derrigorrezkoa (argitaratu gabea)

    optional

    derrigorrezkoa

    captcha

    derrigorrezkoa

    Azken postak

    Artxibategia

    2018
    2017
    2016
    2015
    2014
    2013
    2012
    2011
    2010

    Kategoriak

    Etiketak

    Egileak

    Web-jarioak

    RSS / Atom